فیس بک، انسٹاگرام اور واٹس ایپ کی مالک ٹیکنالوجی کمپنی’میٹا’ نے ٹوئٹر کے مقابلے میں ایک نیا سوشل میڈیا پلیٹ فارم لانے پر کام شروع کر دیا ہے۔
میڈیا رپورٹس کے مطابق میٹا کی جانب سے ایسی ایپ کی تیاری پر کام کیا جا رہا ہے جس پر صارفین ٹوئٹس جیسی تحریریں اپ ڈیٹس کر سکیں گے، اس ایپ کو ابتدائی طور ’ پی 92’ کانام دیا گیا ہے جس کی تیاری ابتدائی مراحل میں ہے۔
میٹا ترجمان کے مطابق کمپنی ایک ڈی سینٹرلائز سوشل نیٹ ورک پر کام کر رہی ہے، ترجمان نے کہا کہ ہم سمجھتے ہیں کہ ایک ایسی ایپ کے لیے گنجائش موجود ہے جہاں تخلیق کار اور معروف شخصیات اپنی دلچسپیوں کے متعلق اپ ڈیٹس شیئر کر سکیں ۔
رپورٹس مین بتایا گیا ہے کہ صارفین اس ایپ پراپنےانسٹاگرام اکائونٹ سے لاگ ان کر سکیں گے،نئی ایپ میں انسٹاگرام اکاؤنٹ سے لاگ ان ہونے پر فوٹو شیئرنگ ایپ کی پروفائل تفصیلات دکھائی دیں گی، چونکہ یہ ڈی سینٹرلائز ایپ ہوگی اس لئے صارفین اپنے سرورز اور مواد کی جانچ پڑتال کیلئےاپنے اصول تشکیل دے سکیں گے، صارفین اپنی پوسٹس کو دیگر سرورز پر بھی براڈ کاسٹ کر نے کے قابل ہوں گے۔
میڈیا رپورٹس کے مطابق ابھی یہ واضح نہیں ہوا کہ صارفین ایک دوسرے کو فالو کر سکیں گے یا نہیں، اسی طرح یہ بھی واضح نہیں کہ صارفین پوسٹس کو ٹوئٹر کی طرح ری شیئر کر سکیں گے یا نہیں، جبکہ نئی ایپ متعارف کرانے کی تاریخ کا بھی اعلان نہیں کیا گیا ہے۔
مینلو پارک، کیلیفورنیا: نئی تازہ مانیٹرنگ