گوادر ( نئی تازہ رپورٹ) کوسٹ گارڈز نے گوادر میں سمگلرز کا پیچھا کر کے 11 کروڑ ڈالر سے زائد مالیت کی منشیات برآمد کرلی۔
ترجمان کوسٹ گارڈز کے مطابق گوادر میں جنرل ایریا دران کے قریب دو مشکوک گاڑیوں کو رکنے کا اشارہ کیا تو ملزمان نے گاڑیوں کی رفتار تیز کرتے ہوئے فرار ہونے کی کوشش کی، پیچھا کرنے پر ملزمان گاڑیاں چھوڑ کر فرار ہوگئے۔
ترجمان کوسٹ گارڈز کے مطابق گاڑیوں کی تلاشی لینے پر ان میں سے 1650کلو گرام حشیش اور 69 کلوگرام اعلیٰ کوالٹی کی آئس برآمد ہوئی۔
ترجمان کے مطابق منشیات کی عالمی مارکیٹ میں مالیت تقریباً 11کروڑ 70لاکھ ڈالرکے لگ بھگ ہے، ممکنہ طور پر منشیات سمندر کے راستے بیرون ملک اسمگل کی جانا تھی۔
