اسلام آباد ( نئی تازہ رپورٹ) قائداعظم یونیورسٹی اسلام آباد نے طلبہ تنظیموں کے تصادم میں ملوث طالب علموں کے خلاف سخت ایکشن لیتے ہوئے انہیں یونیورسٹی سے نکال دیا ہے۔
رجسٹرار قائداعظم یونیورسٹی کے مطابق نکالے جانے والوں میں79 طلبہ شامل ہیں جنکی کی ڈگریاں بھی منسوخ کر دی گئی ہیں، ان طلبہ کے خلاف کارروائی قانون کو ہاتھ میں لینے پر عمل میں لائی گئی ہے۔
رجسٹرار قائداعظم یونیورسٹی نے کہا ہےکہ طلبہ کے خلاف کارروائی تعلیمی سرگرمیاں متاثرکرنے اور ڈسپلن کی خلاف ورزی پرکی گئی۔ قائداعظم یونیورسٹی کوگذشتہ دنوں لسانی تنظیموں میں تصادم کے بعد تاحکم ثانی بند کردیا گیا تھا۔
