اسلام آباد ( نئی تازہ رپورٹ) حکومت نے بجلی کے صارفین پر فی یونٹ 3 روپے 39 پیسے اضافی سرچارج عائد کر دیا جس کی منظوری نیشنل الیکٹرک پاور ریگولیٹری اتھارٹی (نیپرا) نے دے دی ہے، فیصلے کا اطلاق کراچی سمیت ملک بھر کے بجلی صارفین پر ہوگا۔
نیپرا نے وفاقی حکومت کی درخواست پرکے الیکترک سمیت ملک بھر کے صارفین پر اضافی سرچارج عائد کرنے کی منظور ی دی ۔
نیپرا کے فیصلے میں کہا گیا کہ سرچارج صارفین سے مارچ سےجون تک وصول کیا جائے گا، اضافے کے بعد مجموعی سرچارج 3 روپے 82 پیسےفی یونٹ ہوجائےگا۔نیپرا کے بیان کے مطابق اس وقت صارفین 43 پیسے فی یونٹ سرچارج ادا کر رہے ہیں،جولائی سے یہ سرچارج کم ہو کر ایک روپیہ 43 پیسے رہ جائے گا۔
