ماسکو ( نئی تازہ مانیٹرنگ) کورونا وائرس سے بچاؤ کی روسی ویکسین اسپوتنک فائیو بنانے والے 47 سالہ سائنسدان کو قتل کردیا گیا۔غیرملکی میڈیا کے مطابق کورونا وائرس سے بچاؤ کے لیے روسی ویکسین اسپوٹنک فائیو کی تیاری میں مدد کرنے والے سائنسدانوں کی ٹیم میں شامل اینڈرے بوٹیکوو اپنے کمرے میں مردہ پائے گئے۔
رپورٹس میں بتایا گیا ہےکہ اینڈرے کی گردن پر بیلٹ کے نشان تھے، سائینسدان کی موت ممکنہ طور پر گلا دبانے کی وجہ سے ہوئی ہے۔ اینڈرے روسی ریسرچ سینٹر میں سینئر ریسرچر کے طور پر کام کرتے تھے اور انہوں نے اسپوتنک فائیو ویکسین کی تیاری میں اہم کردار ادا کیا تھا۔
میڈیا رپورٹس کے مطابق تحقیقاتی ایجنسی نے ایک مشتبہ شخص کو بھی حراست میں لیا ہے جس سے متعلق کہا جا رہا ہےکہ 29 سالہ مشتبہ شخص نے اینڈرے کو بیلٹ کے ذریعے گلا دبا کر قتل کیا، اس حوالے سے مزیدتفصیلات تحقیقات بعد سامنے آئیں گی۔
اینڈرے کورونا کی ویکسین بنانے والی 18 سائنسدانوں پر مشتمل ٹیم کے رکن تھے جس نے 2020 میں کامیابی سے ویکسین تیار کی۔
صدر پیوٹن نے ویکسین کی تیاری کے بعد 2021 میں انہیں ایوارڈ سے بھی نوازا تھا۔
