کراچی ( نئی تازہ رپورٹ )انٹربینک مارکیٹ میں ڈالر کے مقابلے میں روپے کی قدر میں جمعرات کی بڑی کمی کے بعد جمعہ کو ڈالر 6 روپے 63 پیسے سستا ہو کر 278 روپے 46 پیسے کا ہوگیا۔
اسٹیٹ بینک آف پاکستان کے مطابق انٹر بینک مارکیٹ میں ڈالر 6 روپے 63 پیسے سستا ہونے کے بعد 278 روپے 46 پیسے کی سطح پر آگیا، ڈالرگزشتہ روز 18 روپے 98 پیسے اضافےکے بعد 285 روپے 9 پیسے پر بند ہوا تھا۔ جمعہ کو انٹربینک میں کاروبار کے دوران پہلے ڈالر 5 روپے 9 پیسے سستا ہوکر ڈالر 280 روپے کا ہوا۔
کاروبار کے دوران ڈالر کی قدر میں مزید کمی دیکھی گئی اور ڈالرگزشتہ روز کے مقابلے میں ایک موقع پر 11 روپے کے قریب سستا ہو گیا اور دن میں معمولی کمی بیشی کے ساتھ ٹریڈ ہوتا رہا۔ مارکیٹ بند ہونے اورکاروباری ہفتے کے اختتام پر ڈالر گزشتہ روز کے مقابلہ میں 6 روپے 63 پیسے سستا ہو کر 278 روپے 46 پیسے پر بند ہوا۔
