اسلام آباد ( نئی تازہ رپورٹ) صدر مملکت عارف علوی نے پنجاب اسمبلی کے انتخابات کے لیے الیکشن کمیشن کے مراسلہ کے جواب میں 30 اپریل کی تاریخ کی منظوری دے دی۔
الیکشن کمیشن نے سپریم کورٹ کے فیصلہ کی روشنی میں صدر مملکت کو پنجاب میں الیکشن کےلیے 30 اپریل سے 7 مئی تک کی تاریخیں تجویز کی تھیں۔
صدر مملکت نے پنجاب اسمبلی کے الیکشن کے لیے الیکشن کمیشن کی جانب سے تجویز کردہ تاریخوں پر غور کے بعد 30 اپریل کی تاریخ کی منظوری دی ہے۔
الیکشن کمیشن نے سپریم کورٹ کے فیصلہ کی روشنی میں گورنر خیبر پختونخوا کو بھی مراسلہ جاری کیا تھا جس میں کے پی کے میں الیکشن کے لیے گورنر سے جواب مانگا گیا۔
