لاہور ( نئی تازہ رپورٹ) پاکستان تحریک انصاف کے چیئرمین عمران خان اور امریکی وفد کی لاہور میں اہم ملاقات ہوئی ، پی ٹی آئی سربراہ نے امریکا کے ساتھ مستقبل میں اچھے تعلقات رکھنے کی خواہش کا اظہار کیا ۔
میڈیا رپورٹ کے مطابق امریکی وفد نے زمان پارک لاہور میں عمران خان سے ان کی رہائش گاہ پر ملاقات کی، امریکی وفد میں کیلی فورنیا پارلیمنٹ کے ممبر کرس ہولڈن، ممبر پارلیمینٹ وینڈی کیری لو، ممبر پارلیمنٹ مائیک گپسن، اور ممبر پارلیمنٹ ریزایلوئس شامل تھے۔
پاکستان تحریک انصاف کے چیئرمین سے ملاقات کرنے والوں میں ڈاکٹر آصف محمود سمیت 4 پاکستانی نژاد امریکن شہری بھی شامل تھے۔
ذرائع کے مطابق وفد کی سطح پر ملاقات کے بعد عمران خان نے امریکی ممبر پارلیمنٹ سے الگ ملاقات بھی کی، اس ملاقات کے وقت ڈاکٹر آصف محمود بھی موجود تھے۔ذرائع کے مطابق ملاقات میں عمران خان نے مستقبل میں امریکا کے ساتھ اچھے تعلقات کی خواہش کا اظہار کیا۔