پشاور ( نئی تازہ رپورٹ ) موبائل فون واپس نہ کرنے پر نوجوان ٹک ٹاکر نے والدین پر فائرنگ کر دی، والد جاں بحق جبکہ والدہ زخمی ہوگئی۔
میڈ یا رپورٹ کے مطابق پولیس نے بتایا کہ دو روز قبل والد شیر باز خان نے ٹک ٹاکر حسنین سے موبائل فون لے لیا تھا، والدین چاہتے تھے کہ ان کا بیٹا ٹک ٹاک ویڈیوز نہ بنائے تاہم ملزم حسنین موبائل واپس لینے کے لئے ضد کر رہا تھا۔
والدین کے ساتھ تلخ کلامی کے بعد بیٹے نے ان پر فائرنگ کر دی جس کی نتیجے میں اس کا والد موقع پر جاں بحق اور والدہ زخمی ہو گئیں جنہیں تشویشناک حالت میں ڈسٹرکٹ ہیڈ کوارٹر ہسپتال تیمرگرہ منتقل کر دیا گیا ہے۔پولیس نے واقعے کےچند گھنٹے بعد ملزم کو گرفتار کر کے اسلحہ برآمدکر لیا ہے۔
