اسلام آباد (نئی تازہ رپورٹ) وزیراعظم شہباز شریف سے آرمی چیف اور ڈی جی آئی ایس آئی کی وزیراعظم ہاؤس میں اہم ملاقات ہوئی۔
ذرائع کے مطابق جمعہ 24 فروری کو ہونے والے ایپکس کمیٹی کے اجلاس سے قبل چیف آف آرمی اسٹاف جنرل عاصم منیر اور ڈائریکٹر جنرل انٹر سروسز انٹلیجنس (آئی ایس آئی) لیفٹننٹ جنرل ندیم انجم نے وزیراعظم ہاؤس میں شہباز شریف سے اہم ملاقات کی۔
ذرائع کے مطابق ملاقات میں ملک کی مجموعی سیکیورٹی صورت حال سمیت اہم امور پر تبادلہ خیال کیا گیا۔ واضح رہے کہ ایپکس کمیٹی کے اجلاس میں وزیر دفاع خواجہ آصف اور ڈی جی آئی ایس آئی دورہ افغانستان سے متعلق کمیٹی کے شرکا کوتفصیلی بریفنگ دیں گے۔
