لاہور(نئی تازہ رپورٹ) پنجاب حکومت نے پاکستان تحریک انصاف کے وائس چیئرمین شاہ محمود قریشی کو ایم پی او کے تحت ایک ماہ کیلیے جیل بھیج دیا۔ڈپٹی کمشن کے نوٹی فکیشن کے مطابق شاہ محمود قریشی کی 3 ایم پی او کی شق 1 کے تحت 30 دن کی نظر بندی کے احکامات جاری کئے گئے ہیں ۔
میڈیا رپورٹ کے مطابق شاہ محمود قریشی کو آئی جی جیل خانہ جات پنجاب کے احکامات پر ڈسٹڑکٹ جیل اٹک منتقل کر دیاگیا ہے۔سپریٹنڈنٹ ڈسڑکٹ جیل اٹک نے وزارت داخلہ، آئی جی جیل پنجاب، ڈی آئی جی جیل راولپنڈی ریجن و ڈی سی لاہور و اٹک و ڈی پی او اٹک کواس بارے میں مراسلہ جاری کردیا ہے۔مراسلے میں کہا گیا ہے آئی جی جیل خانہ جات پنجاب کے حکم پر شاہ محمود قریشی کو لاہور سے اٹک جیل منتقل کیا گیا ہے۔
