میرانشاہ (نئی تازہ مانیٹرنگ ) سکیورٹی فورسز نے شمالی وزیرستان میں اہم کارروائی کے دوران خودکش حملہ آور، اس کے ساتھی اور 4 سہولت کاروں کو گرفتار کرلیا ۔ گرفتار سہولت کاروں کا تعلق گاؤں ہرمز، سپین وام، خدری اور میرعلی سے بتایا گیا ہے۔
سرکاری ذرائع کے مطابق گرفتار دہشت گردوں اور سہولت کاروں نے ابتدائی پوچھ گچھ کے دوران اعتراف جرم کرلیا ہے جس کے بعد انہیں مزید تفتیش کیلئے نامعلوم مقام پر منتقل کر دیا گیا ہے۔سرکاری ذرائع کے مطابق نئے سال کے دوران اب تک شمالی وزیرستان میں دہشت گردوں کے 28 سہولت کاروں کو گرفتار کیا جا چکا ہے، گرفتار دہشت گردوں سےحاصل ہونے والی معلومات کے بعد مزید گرفتاریاں ہو سکتی ہیں۔
سرکاری ذرائع نے بتایا کہ گرفتار ہونے والے بیشتر دہشت گرد کرک، ہنگو، کرم اور ٹل کے مدارس میں داخل تھے۔سکیورٹی حکام نے والدین سے اپیل کی ہے کہ بچوں کو مدارس میں داخل کرتے وقت پہلےچھان بین کرنے کے بعد مدرسے کا انتخاب کریں۔
