لاہور ( نئی تازہ رپورٹ)پاکستان تحریک انصاف کے چیئرمین عمران خان نے کہا ہے کہ اتنی متعصبانہ نگران حکومت تاریخ میں کبھی نہیں آئی ،شیخ رشید کی گرفتاری کی مذمت کرتا ہوں۔ عمران خان نے نے سماجی رابطے کی ویب سائٹ پر جاری بیان میں کہا کہ اتنی متعصبانہ نگران حکومت الیکشن کمیشن کی طرف سے تاریخ میں کبھی نہیں قائم نہیں کی گئی۔
چیئرمین تحریک انصاف نے کہا کہ ہمیں سڑکوں پر آنے پر مجبور کیا جارہاہے،کیا ملک ایسے وقت احتجاج کا متحمل ہوسکتا ہے جب امپورٹڈ حکومت کے ہاتھوں دیوالیہ ہو چکے ہیں۔ اسلام آباد پولیس نےعوامی مسلم لیگ کے سربراہ شیخ رشید احمد کو گذشتہ شب ان کے گھر سے گرفتار کیا تھا۔شیخ رشید کےخلاف آب پارہ تھانے میں پیپلز پارٹی راولپنڈی ڈویژن کے صدر راجہ عنایت الرحمان کی درخواست پردرج کیا گیا ہے۔
