اسلام آباد ( نئی تازہ رپورٹ) الیکشن کمیشن آف پاکستان نے چوہدری شجاعت حسین کو پارٹی صدر برقرار رکھنے کا فیصلہ سنادیا۔ الیکشن کمیشن نے چوہدری شجاعت حسین کی درخواست پر چند روز قبل فیصلہ محفوظ کر لیا تھا جو منگل کو سنایا گیا۔الیکشن کمیشن نے ق لیگ ورکنگ کمیٹی کی کارروائی کو کالعدم قراردیا ہے۔ ای سی پی کے فیصلے میں کہا گیا ہےکہ چوہدری شجاعت مسلم لیگ (ق) کے صدر برقرار رہیں گے۔
یاد رہے کہ چند روز قبل مسلم لیگ (ق) کے صدر چوہدری شجاعت حسین کو ق لیگ کی ورکنگ کمیٹی کی طرف سے پارٹی صدارت سے ہٹا نے کا اعلان گیا تھا۔ اس سلسلہ میں جاری بیان میں بتایا گیا تھا کہ مسلم لیگ ہاؤس ڈیوس روڈ میں (ق) لیگ کے مشاورتی اجلاس کے دوران چوہدری شجاعت حسین کو پارٹی کی صدارت سے ہٹانے کا فیصلہ کیا گیا ہے .جبکہ ان کی جگہ ان کے بھائی چوہدری وجاہت حسین کو پارٹی کا صدر مقرر کیا گیا تھا طارق بشیر چیمہ کو ہٹاکر کامل علی آغا کو پارٹی کا مرکزی سیکرٹری جنرل بنا نے کا بھی اعلان کیا گیا تھا۔
