لاہور ( نئی تازہ رپورٹ) قومی اسمبلی کی 33 نشستوں کے ضمنی الیکشن میں پاکستان تحریک انصاف کی طرف سے عمران خان امیدوار ہوں گے۔اتوار کو پی ٹی آئی کور کمیٹی کا اجلاس ہوا جس میں اہم فہصلے کئے گئے .اجلاس کے بعد میڈیا سے گفتگو کرتے ہوئے پارٹی کے وائس چیئر مین شاہ محمود قریشی نے بتایا کہ عمران خان کی سربراہی میں کور کمیٹی اور پارلیمانی کمیٹی کا اجلاس ہوا جس میں پاکستان کی سیاسی اورمعاشی صورتحال کا جائزہ لیاگیا۔
انہوں نے کہا کہ پی ٹی آئی نے قومی اسمبلی کے 33 حلقوں میں ہونے والے ضمنی انتخابات میں حصہ لینے کا فیصلہ کیا ہے۔اور تمام حلقوں میں عمران خان امیدوار ہوں گے اور ان حلقوں سے جو ارکان ڈی نوٹیفائی ہو ئے ہیں وہ بطور کورنگ امیدوار اپنے کاغذات جمع کروائیں گے۔ شاہ محمود قریشی نے کہا کہ قوم ہمارے ساتھ ہے ،پاکستان تحریک انصاف سیاسی میدان میں موجود رہے گی الیکشن کمیشن کے جاری کردہ شیڈول مطابق قومی اسمبلی کی 33 خالی نشستوں پر ضمنی الیکشن 16 مارچ کو ہوگا جس کیلئے کاغذات نامزدگی 6 سے 8 فروری تک جمع کرائے جا سکیں گے۔
