اسلام آباد ( نئی تازہ رپورٹ) متحدہ عرب امارات ( یو اے ای) کے صدر کی آمد پراسلام آباد میں پیر 30 جنوری کو مقامی تعطیل کا اعلان کردیا گیا۔دپٹی کمشنرکی جانب سے جاری نوٹیفکیشن کے مطابق 30 جنوری کو اسلام آباد میں اسکول و دفاتر بند رہیں گے،تاہم میونسپل کارپوریشن، سی ڈی اے، آئیسکو، سوئی گیس کے دفاتر کھلے رہیں گے، اسلام اباد انتظامیہ اور پولیس بھی اپنی ڈیوٹی سر انجام دیں گے جبکہ دیگر اداروں میں چھٹی ہو گی۔
ذرائع کے مطابق وزیر اعظم شہبازشریف کی دعوت پر متحدہ عرب امارات ( یو اے ای) کے صدر شیخ محمد بن زاید النہیان پیر کو اسلام آباد پہنچیں گے۔ذرائع نے بتایا کہ متحدہ عرب امارات کے صدر اہل خانہ کے ہمراہ اسلام آباد آرہے ہیں، یو اے ای کے صدر کی آمد پر انہیں اسٹیٹ گیسٹ کا اعزازی پروٹوکول دیا جائے گا، یو اے ای کے صدر کو نور خان ائیر بیس پر توپوں کی سلامی دی جائے گی، وزیر اعظم ہاؤس آمد پر گارڈ آف آنر دیا جائے گا۔یو اے ای کے صدر کی اسلام آباد آمد کے موقع پر پیر کو اسلام آباد میں مقامی تعطیل کا فیسلہ کیا گیا ہے۔
