کوئٹہ ( نئی تازہ مانیٹرنگ)بلوچستان کے دارالحکومت کوئٹہ میں گیس لیکج کے نتیجہ میں ہونے والے دھماکے میں بچوں سمیت 6افراد جھلس کرجاں بحق ہو گئے ۔
ریسکیو ذرائع کے مطابق اتوار کو علی الصباح کوئٹہ کے علاقے سیٹیلائٹ ٹائون میں گیس لیکج کا واقعہ پیش آیا جہاں مسلم اتحاد کالونی کے ایک گھر میں رگیس لیکج کے باعث دھماکا ہوا، اورآگ بھڑک اٹھی۔
ریسکیو ذرائع کے مطابق شراف الدین نامی شخص کے گھر میںہانے والے واقعہ کی اطلاع ملنے پر فائر بریگیڈ اور ریسکیو ٹیموں نےموقع پر پہنچ کر آگ کو کنٹرول کیا۔
دھماکے میں شراف الدین اور اس کے 5 بچے جھلس کر زخمی گئے ، تاہم علاج کے لئےہسپتال منتقلی کے دوران ہی وہ راستے میں دم توڑ گئے ۔
جاں بحق ہونے والوں میں 40 سالہ شراف الدین ، اس کی12 سالہ بیٹی عافیہ بی بی، 6 سالہ عائشہ بی بی، 14 سالہ عاحبہ، 4 سالہ زیت اللہ اور 7 سالہ ہیبت اللہ شامل ہیں۔ ضروری کارروائی کے بعد جاں بحق ہونے والوں کی لاشیں ورثا کے سپردکر دی گئیں ۔
