لاہور( نئی تازہ رپورٹ) پنجاب میں خناق اور خسرے سے متعدد بچوں کےجاں بحق ہونے کا انکشاف ہوا ہے.محکمہ صحت پنجاب کی جاری کرہ رپورٹ کے مطابق دسمبر کے آخری ہفتہ میں خناق اور خسرے سے 34 بچے جاں بحق ہو گئے ۔ خسرے سے 25 اورخناق سے 9 بچوں کی اموات ہوئی ہیں .
25 سے 31 دسمبر کے عرصہ کی رپورٹ کے مطابق پنجاب میں خسرے کے ایک ہزار 932 کیسز سامنے آئےہیں۔ لاہور میں 395 اورراولپنڈی میں 334 بچےخسرے سے متاثر ہوئے ۔
خسرے کےتصدیق شدہ کیسز میں سے 32 فیصد بچوں نےخسرہ ویکسین کی کوئی خوراک نہیں لی ۔جبکہ صوبہ میں خناق کے 121 کیسز سامنےآئے ہیں۔ یہ کیسزراولپنڈی، فیصل آباد، جھنگ اور رحیم یار خان میں رپورٹ ہوئے۔
خسرے کے مصدقہ کیسز میں سے 16 فیصد بچوں نےخسرے کی ویکسین کی ایک خوراک لی ہے۔
خسرے کے مصدقہ کیسز لاہور، راولپنڈی، شیخوپورہ، اٹک،قصور، ٹوبہ ٹیک سنگھ اوراوکاڑہ میں رپورٹ ہوئے ۔
