وفاقی حکومت نے سرکاری ملازمین کو عید سے قبل تنخواہیں اور پنشن دینے کا اعلان کر دیا۔
پاکستان میں عیدالفطر 31 مارچ یا یکم اپریل کو متوقع ہے، اسی تناظر میں وفاقی حکومت نے سرکاری ملازمین کو پیشگی تنخواہ اور پنشن ادا کرنے کا فیصلہ کیا ہے۔
رپورٹس کے مطابق سرکاری ملازمین کو 27 مارچ کو تنخواہیں جاری کی جائیں گی، جبکہ پنشنرز کو بھی اسی روز مارچ کی پنشن ادا کی جائے گی۔
اس حوالے سے وفاقی ملازمین کو تنخواہوں اور پنشن کی قبل از وقت ادائیگی کا باضابطہ نوٹیفکیشن جاری کر دیا گیا ہے، اور وفاقی وزارت خزانہ نے متعلقہ حکام کو بھی ضروری ہدایات جاری کر دی ہیں۔
واضح رہے کہ اس سے قبل سندھ، پنجاب اور خیبرپختونخوا کی حکومتیں بھی عیدالفطر سے پہلے سرکاری ملازمین کو تنخواہیں ادا کرنے کا اعلان کر چکی ہیں۔
