کیا موٹرز KIA motors نے پاکستان میں اپنی نئی مکمل طور پر الیکٹرک گاڑی ای وی 9 ۔ جی ٹی لائن SUV لانچ کر دی ہے، جس کی قیمت 4 کروڑ 32 لاکھ روپے ہے۔
کیا کی یہ ای وی 9 ۔ جی ٹی لائن گاڑی 99.8 کلو واٹ کی لیتھیم آئن بیٹری سے لیس ہے اور 505 کلومیٹر (WLTP) تک کی آل الیکٹرک رینج فراہم کرتی ہے۔ اس میں 400V اور 800V دونوں چارجنگ آپشنز موجود ہیں۔ DC فاسٹ چارجنگ کے ذریعے 350 کلو واٹ کی طاقت سے صرف 24 منٹ میں گاڑی 10 سے 80 فیصد تک چارج ہو سکتی ہے، جبکہ AC نارمل چارجنگ پر 220 واٹ V/48A سپلائی کے ساتھ تقریباً 9 گھنٹے 45 منٹ میں مکمل چارج ہو گی۔
ای وی 9 ۔ جی ٹی لائن میں ڈوئل موٹر آل وہیل ڈرائیو (AWD) سسٹم نصب ہے، جو 5.3 سیکنڈ میں صفر سے 100 کلومیٹر فی گھنٹہ کی رفتار حاصل کرتا ہے اور 282.6 کلو واٹ پاور اور 700 این ایم ٹارک فراہم کرتا ہے۔ گاڑی میں مختلف ڈرائیونگ موڈز جیسے نارمل، ایکو، اسپورٹ، مائی ڈرائیو، اور ٹیرین موڈ (برف، مٹی، ریت کے لیے) بھی شامل ہیں۔
گاڑی کے اندر مصنوعی چمڑے کی 6 گرم اور ہوادار نشستیں، 12 انچ کا ہیڈ اپ ڈسپلے، 12.3 انچ کا ڈیجیٹل انسٹرومنٹ کلسٹر اور 14 اسپیکر کے ساتھ میریڈیئن ساؤنڈ سسٹم موجود ہیں۔ اس کے علاوہ سینٹر کنسول کی توسیع، وائرلیس چارجنگ پیڈ اور اسمارٹ پاور ٹیل گیٹ جیسے فیچرز بھی دستیاب ہیں۔
ای وی 9 ۔ جی ٹی لائن میں ایل ای ڈی فرنٹ لیمپ، ڈیجیٹل سائیڈ مررز، فلش ڈور ہینڈلز اور 21 انچ کے الائے وہیل کی خصوصیات بھی شامل ہیں۔ گاڑی کی حفاظتی خصوصیات میں فارورڈ کولیژن اوائیڈنس اسسٹ (FCA 2.0)، بلائنڈ اسپاٹ کولیژن اوائیڈنس اسسٹ (BCA)، لین کیپنگ اسسٹ (LKA)، سراؤنڈ ویو مانیٹر (SVM)، ایداپٹو کروز کنٹرول اور ریئر کراس ٹریفک کولیژن اوائیڈنس اسسٹ جیسے فیچرز شامل ہیں۔ اس کے علاوہ دیگر حفاظتی خصوصیات میں ABS، ہل اسٹارٹ اسسٹ کنٹرول (HAC)، ٹریلر اسٹیبلٹی اسسٹ (TSA)، ٹائر پریشر مانیٹرنگ سسٹم (TPMS) اور ریئر اوکوپنٹ الرٹ بھی موجود ہیں۔
یہ ای وی 9 ۔ جی ٹی لائن پہلے ہی نومبر 2024 میں لاس اینجلس آٹو شو میں دنیا بھر میں متعارف کرائی جا چکی ہے۔
