اسلام آباد: وفاقی کابینہ کا جمعرات کو ہونے والا اجلاس مؤخر کر دیا گیا ہے، اب یہ اجلاس کل جمعہ کے روزبلائے جانے کا امکان ہے۔
نجی ٹی وی کی رپورٹ کے مطابق وفاقی کابینہ کا خصوصی اجلاس آج جمعرات کو بلانے کا فیصلہ کیا گیا تھا، جس میں اہم قومی اور انتظامی امور پر تفصیلی بحث متوقع تھی، تاہم اب اس اجلاس کو مؤخر کر کے کل جمعہ کے روز بلائے جانے کی تجویز دی گئی ہے۔
وفاقی کابینہ کا اجلاس کل جمعہ کو طلب کیے جانے کا امکان ہے، جس کی صدارت وزیراعظم شہباز شریف کریں گے۔ اس اجلاس میں کابینہ کے زیر التوا ایجنڈے پر غور کیا جائے گا۔
وزیراعظم شہباز شریف کابینہ ارکان سے اہم امور پر تبادلہ خیال بھی کریں گے۔
