اسلام آباد ( نئی تازہ ڈیسک) سپریم کورٹ آف پاکستان کے ایڈیشنل رجسٹرار (جوڈیشل ) نذر عباس کو عہدے سے ہٹا دیا گیا، ایڈیشنل رجسٹرار ایڈمن نے نوٹیفکیشن جاری کردیا۔
نوٹیفکیشن کے مطابق ایڈیشنل رجسٹرار جوڈیشل نذر عباس سنگین غلطی کے مرتکب ہوئے، ایڈیشنل رجسٹرار جوڈیشل نے آئینی بینچ کا مقدمہ ریگولر بینچ کے سامنے سماعت کے لیے مقرر کیا۔
میڈیا رپورٹ کے مطابق نوٹیفکیشن میں کہا گیا ہے کہ ایڈیشنل رجسٹرار کے ایسا کرنے سے سپریم کورٹ اور فریقین کے وقت اور وسائل کا ضیاع ہوا، رجسٹرار سپریم کورٹ کو یہ معاملہ دیکھنے کی ہدایت کی گئی ہے۔ نذرعباس کو عہدے سے ہٹا کر او ایس ڈی بنانے کا نوٹیفکیشن جاری کیا گیا ہے
واضح رہے کہ گزشتہ روز عدالت کی طرف سے آئینی اور ریگولر بینچز کے اختیارات سے متعلق کیس مقرر نہ کیے جانے پر ایڈیشنل جوڈیشل رجسٹرار کو توہین عدالت کا نوٹس جاری کیا گیا تھا،جسٹس منصور علی شاہ کی سربراہی میں تین رکنی بینچ نے آئینی بینچز اور ریگولر بینچز کے اختیارات کے معاملے پر سماعت کی تھی۔
