کراچی ( نئی تازہ رپورٹ) بینظیر انکم سپورٹ پروگرام کی چیئرپرسن سینیٹر روبینہ خالد نے کہاہے کہ آئندہ سال پروگرام کی رقم 10 ہزار پانچ سو سے بڑھا کر13 ہزار پانچ سوروپے کر دی جائے گی ۔
چیئرپرسن بینظیر انکم سپورٹ پروگرام (بی آئی ایس پی ) روبینہ خالد نے میڈیا سے گفتگومیں بتایا کہ بچوں کی نشوونما کا رک جانا ایک بڑا مسئلہ ہے ۔ یہ مسئلہ حل کرنے کیلئے پروگرام کے تحت دو سال تک ماؤں کو نقد رقم اورغذائی اجزاء فراہم کیے جائیں گے۔
چیئرپرسن بی آئی ایس پی روبینہ خالد نے کہا کہ ابھی پروگرام میں93 لاکھ لوگ رجسٹرڈ ہیں جو 2025 تک ایک کروڑ ہو جائیں گے ۔انہوں نے کہا کہ بینظیرانکم سپورٹ پروگرام خواتین کی مالی معاونت کرتاہے،
انہوں نے کہا کہ بینظیر انکم سپورٹ پروگرام پاکستان کی بڑی کامیابی ہے،ہم بہت جلدبینظیراسکل ڈویلپمنٹ پروگرام کا آغاز کرنے جا رہے ہیں،انہوں نے کہا کہ 18 ویں ترمیم کے بعد صحت کامعاملہ سندھ حکومت دیکھتی ہے۔
