ڈنکی لگا کر سپین جانے کی کوشش میں کشتی میں سوارچار پاکستانی جاں بحق ہوگئے۔ جاں بحق ہونے والوں کو کشتی میں سامان والے حصے میں چھپایا گیا تھا۔
میڈیا رپورٹ کے مطابق کشتی مارطینیہ سے سپین کے لیے روانہ ہوئی تھی۔ چاروں پاکستانیوں کو کشتی میں سامان کے ساتھ چھپایا گیا تھا۔ زیادہ وقت سامان والے حصے میں رہنے اور آکسیجن نہ ملنے سے چاروں نوجوان جاں بحق ہوگئے۔میڈیا رپورٹ کے مطابق جاں بحق ہونے والوں میں سے ایک کا تعلق وزیرآباد سے بتایا گیا ہے۔
حادثے میں جاں بحق وزیرآباد کے نوجوان ابوھریرہ کی صرف دو سال قبل شادی ہوئی تھی۔ ابتدائی طور پرجاں بحق ہونے والے تین پاکستانیوں کی شناخت نہیں ہو سکی۔ یاد رہے کہ گزشتہ برس یونان میں کشتی کے حادثہ میں وزیرآباد سے تعلق رکھنے والے 9 پاکستانی جاں بحق ہوگئے تھے۔
