اسلام آباد( نئی تازہ ڈیسک)عالمی مالیاتی فنڈز ( آئی ایم ایف) کے ایگزیکٹیو بورڈ کا اجلاس 25 ستمبر کو ہوگا، ایجنڈے میں پاکستان کیلیے 7 ارب ڈالرز قرض کی منظوری بھی شامل ہے۔
میڈیا رپورٹ کے مطابق پاکستان کیلئے 7 ارب ڈالر کے قرض پروگرام کیلئے اسٹاف سطح کا معاہدہ پہلے ہی طے پا چکا ہے، جس کی منظوری کا جائزہ لینے کیلئے عالمی مالیاتی فنڈ ( ائی ایم ایف ) کے ایگزیکٹو بورڈ کے 25 ستمبر کے اجلاس کا شیڈول جاری کر دیا گیا ہے۔
آئی ایم ایف کے مطابق پاکستان نے توسیعی فنڈ سہولت کے تحت 7 ارب ڈالر قرض کی درخواست دی ہے بورڈ کے اجلاس میں قرض کی حتمی منظوری کا امکان ہے۔
ایگزیکٹو بورڈ کی منظوری کے بعد پاکستان کورقم کی اقساط ملنا شروع ہوجائیں گی۔ واضح رہے کہ پاکستان کا آئی ایم ایف کے ساتھ 12 جولائی کو اسٹینڈ بائی معاہدہ طے پایا تھا ، نیا قرض پروگرام 37 ماہ پر محیط ہوگا۔
