اسلام آباد ( نئی تازہ مانیٹرنگ) بانی پی ٹی آئی عمران خان نے 9 مئی مقدمات میں فوجی عدالت ٹرائل کے لیے خود کو فوجی تحویل میں نہ دینے کے لیے اسلام آباد ہائی کورٹ میں درخواست دائر کر دی۔
عزیر کرامت بھنڈاری ایڈووکیٹ کے توسط سے اس حوالے سے اسلام آباد ہائی کورٹ میں درخواست دائر کی گئی ہے، درخواست میں سیکریٹری قانون، سیکریٹری داخلہ اور وفاق کو فریق بنایا گیا ہے۔
درخواست میں آئی جی اسلام آباد، آئی جی پنجاب، ڈائریکٹر جنرل ایف آئی اے اور انسپکٹر جنرل جیل خانہ جات کو بھی فریق بنایا گیا ہے۔
درخواست میں عدالت سے استدعا کی گئی کہ بانی پی ٹی آئی عمران خان کو فوجی تحویل میں دینے سے روکا جائے، اور یقینی بنایا جائے کہ بانی پی ٹی آئی کی تحویل سویلین عدالتوں کے پاس رہے۔
