اسلام آباد ( نئی تازہ رپورٹ) حکومت نے یوم آزادی کے موقع پر پیٹرولیم مصنوعات کی قیمتوں میں کمی کا اعلان کردیا، پیٹرول 8.47 روپے اور ڈیزل قیمت 6.7 روپے فی لیٹر سستا ہو گیا۔
وزیراعظم شہباز شریف نے یومِ آزادی پر عوام کوریلیف کی خاطر پیٹرولیم مصنوعات کی قیمتوں میں کمی کا اعلان کیا۔
پیٹرول کی قیمت 8.47 روپے فی لیٹر کمی کے بعد 269.43 روپے سے کم ہو کر 260.96 روپے ہوگئی، ڈیزل کی قیمت 6.7 روپے فی لیٹر کمی کے بعد 272.77 روپے سے کم ہو کر 266.07 روپے فی لیٹر ہوگئی ہے۔
حکومت نےاس سے قبل 31 جولائی کو پیٹرول کی قیمت میں 6 روپے 17 پیسے اور ڈیزل کی قیمت میں 10 روپے 86 پیسے فی لیٹر کمی کی تھی، جس کے بعد پیٹرول 269 روپے 43 پیسے اور ڈیزل 272 روپے 77 پیسے میںفروخت ہو رہا تھا۔
