وزیر اعظم شہباز شریف نے چینی شہریوں کے لیے مفت ویزے کا اعلان کر دیا ہے۔ 14 اگست 2024 کے بعد چینی شہری مفت ویزہ حاصل کر سکیں گے
وزیراعظم شہباز شریف نے وانگ فوکانگ کی قیادت میں ملے والے چینی وفد کوبتایا چینی شہریوں کی فول پروف سیکیورٹی کےلیے موثر اقدامات کیے ہیں، بشام واقعے میں ملوث افراد کو گرفتارکر لیا گیا ہے اور ذمہ داروں کوقرار واقعی سزا دی جائے گی ۔
وزیراعظم سے چین کے 12 رکنی اعلی سطحی وفد نے جمعرات کو ملاقات کی ۔ملاقات میں نائب وزیراعظم و وزیر خارجہ اسحاق ڈار، وفاقی وزراء محسن نقوی، احسن اقبال، محمد اورنگزیب، احد چیمہ، معاون خصوصی طارق فاطمی، وزیراعظم کے کوآرڈینیٹر رانا احسان افضل چینی سفیر جیانگ زائیڈونگ اور متعلقہ اعلی حکام نے شرکت کی۔
وزیراعظم شہباز شریف نے کہا کہ چینی وفد کے دورہ پاکستان سے سرمایہ کاری کو فروغ ملے گا، یقین ہے چینی وفد کا دورہ مفید ثابت ہوگا، چینی وفد کے سربراہ وانگ فوکانگ نے کہا کہ تکنیکی تعاون سے پاک چین اسٹریٹجک تعلقات مزید مضبوط ہوں گے، انہوں نے پاکستان میں مثالی مہمان نوازی پرشکریہ ادا کیا۔
