لاہور ( نئی تازہ رپورٹ) پاکستان ریلوے نے عید الاضحیٰ کے ایام میں سفر کرنے والوں کے لیے کرایوں میں 25 فیصد کمی کا اعلان کر دیا۔
پاکستان ریلوے کےمطابق عید الاضحیٰ پر کرایوں میں کمی ریلوے کے زیرانتظام تمام مسافر ٹرینوں پر ہوگی، یہ رعایت خاص طور پر موجودہ بکنگ کے لیے دستیاب ہوگی، اور مسافر کم قیمت پر ٹکٹ کی بکنگ کراسکتے ہیں۔
واضح رہے کہ کرایوں میں کمی کا اطلاق عید پر چلائی جانے والی سپیشل ٹرینوں پرنہیں ہوگا، رعایت صرف کرنٹ بکنگ پر ہو گی۔
یاد رہے کہ پاکستان ریلوے نے گذشتہ ماہ ڈیزل کی قیمتوں میں کمی کے پیش نظر ٹرین کے کرایوں میں کمی کا اعلان کیا تھا۔
ذرائع کے مطابق مسافروں کو عید کے تینوں ایام میں رعایت دی جائےگی، واضح رہے کہ اس سال پاکستان میں عید الاضحیٰ پیر 17 جون کو منائی جائے گی۔
حکومت نے عید کے موقع پر 17 سے 19 جون 2024 تک تین سرکاری تعطیلات کا اعلان کیا ہے۔
