دبئی ( نئی تازہ مانیٹرنگ) انٹر نیشنل کرکٹ کونسل (آئی سی سی) نے پاکستان کرکٹ ٹیم کے سابق کپتان شاہد آفریدی کوٹی ٹوئنٹی ورلڈ کپ 2024 کا ایمبیسیڈر مقرر کردیا۔
آئی سی سی نے یوراج سنگھ، کرس گیل اور یوسین بولٹ کے ساتھ شاہد آفریدی کو اگلے ہفتے سے امریکہ اور ویسٹ انڈیز میں شروع ہونے والے ٹورنامنٹ کے ایمبیسیڈر ز کی فہرست میں شامل کرنے کا اعلان کیا ہے۔ شاہد آفریدی ٹی ٹوئنٹی ورلڈ کپ کی فاتح ٹیم کے رکن اور پلیئر آف دی ٹورنامنٹ رہ چکے ہیں۔
ٹی ٹوئنٹی ورلڈ کپ 2024 کا آغازآئندہ ہفتے سے امریکہ اور ویسٹ انڈیز میں ہوگا۔
سابق کپتان شاہد آفریدی نے کہا کہ آئی سی سی ٹی ٹوئنٹی ورلڈ کپ میرے دل کے بہت قریب ہے، پہلے ورلڈ کپ میں پلیئر آف دی ٹورنامنٹ کا اعزاز حاصل کیا، 2009ء میں ٹرافی جیتی جو میرے کیریئر کے قابل ذکر لمحات ہیں۔
شاہد آفریدی نے کہا ہے کہ میں 9 جون کو ہونے والا پاک بھارت میچ دیکھنے کے لیے پُرجوش ہوں، یہ دو بڑے حریفوں کا مقابلہ ہے اور نیویارک میں کوئی اسے مس نہیں کرے گا۔
